Unnuk kulturisiorfissaq, ukioq manna tassaavoq arfininngorneq 20. januar.
Piffissanngorpoq unnuk kulturisiorfik 2024 imut ilaaniaraani nalunaarnissaq.
Peqataaniaraani Kulturnat.gl imut iseriarluni immersusoqassaaq.
Neriuppugut suliffeqarfiit, pisussallu amerlasuut siornatuulli kujataani ilanngutissasut unnuk Kulturisiorfimmut.
Immersuinissamut ilitsersuut
www.kulturnat.gl - Unnuk Kulturisiorfik iserit.
Pisussaq imatut ikkutissavat.
1. Pisussamik immersuiffimmut isissaatit imaluunniit atuisunngorlutit. Siullermeerlutilli ikkussiniaruit atuisunngorniarlutit immersueqqaarit.
2. Siullermik suliffeqarfik atuisunngorteqqaassagit piumaffigineqassaatit. Tassani immersussavatit:
1. Emaili
2. Atuisutut ateq (Tassani suliffivit aqqa atussavat)
3. Isissutitut kode
4. Immaqalu oqarasuaatip normua. Taakku immersoreerukkit, “Konto pilersiguk” tuussavat.
Kingorna suliffeqarfimmut/peqatigiiffimmut paasissutissat immersoqquneqassapput. Tassani immersussavatit
1. Qulequtaq/ Suliffeqarfiup peqatigiiffiulluunniit aqqa
2. Sumiiffik/ Kommune
3. Adresse
4. Sumiinnissaanik ilanngussisinnaavutit
5. Attavissanut paasissutissaq. Taakku immersorneqareerpata pisussaq siullermeerlutit ilanngussinnaanngussavat.
4. Siullermeerlutit pisussaq ilanngunniarukku pisussamut paasissutissat uku ilanngutissavatit
1. Qulequtaq
2. Pisussap suna siunertarineraa imarineraa nassuiarlugu
3. Pisussap suussusaa (qulequtaa?)
4. Asseq pisussamut tunngasoq takutikkusutaq
5. Pisussap ullua qassiniit qassinullu ingerlanissaa
6. Pisussamut programmissarsi ilanngussinnaavat (pdf-itut imaluunniit worditut)
5. Pisussamut pilersaarutikkutereerukku, pisussap sumiiffissaa ilanngutissavat. Tassani suliffeqarfissi sumiiffia ilanngunnikuusat atorsinnaavat, taannalu pisussami ersissaaq. Pisussaq sumiiffimmi allamiissappat nalunaaqutsernera peersinnaavat sumiiffissassinnullu paasissutissaq immersorlugu.
6. Ingerlaqqillutit tuugassat tooruk paasissutissallu eqqortuuneri uppernarsarlugit. Taassuma kinguninngua pilersaarut pilersinneqassaaq pilersaarutissinnullu ataatsimoortumik takussutissaq ilissinnut ingerlateqqinneqassaaq.
Pilersaarutip pilersinneranut paasissutissat
Pilersaarutersi pilersinneqareerpat Unnuk Kulturisiorfiup nittartagaani pilersaarutissi takuneqarsinnaanngunnginnerani Unnuk Kulturisiornissamik aaqqissuisunit pilersaarutersi akuereqqaarneqassaaq. Pisussatut pilersaarutersi akuerineqareerpat emailikkut malitsigisaanik paasissutissinneqartarlusilu nutarterneranik ilisimatinneqartassaasi.
Arlaannik apeqqutissaqarussi Nunatta Atuagaateqarfia attavigisiuk.