Nalunaq A/S Kalaallit Nunaata Kujataani Nanortallip avannaata kangiani piiaanissamut akuersissummut 2003-05-imut pisinnaatitsissummik pigisaqartuuvoq. Ingerlatseqatigiiffiup sumiiffimmi aatsitassanik piiaaneq aallarteqqilersaarpaa. Tassunga atatillugu ingerlatseqatigiiffiup:
- Avatangiisinut sunniutaasussanik nalilersuinermut nassuiaammut missingiutaa (VVM)
- Inuiaqatigiinni piujuaannartitsisumik ingerlatsinermik naliliinermut nassuiaammut missingiutaa (VSB)
pillugit Naalakkersuisut tamanut ammasumik tusarniaallutik ataatsimiititsinissamut aggersaapput.
Tusarniaanermut najoqqutassat Naalakkersuisut tusarniaanermut nittartagaanni www.naalakkersuisut.gl pissarsiarineqarsinnaapput. Quppernermi tassani tusarniaanermut akissuteqaatit aamma tusarniaalluni ataatsimiititsinernit imaqarniliat ingerlaavartumik tamanut saqqummersinneqartassapput.
Tusarniaanermut killigitinneqartoq: Ulloq 01. marts 2024.
Tusarniaanermut akissuteqaat Aatsitassanut Ikummatissanullu Aqutsisoqarfimmut nassiunneqassaaq, mlsa@nanoq.gl.
Matuma kinguliani tamanut ammasumik tusarniaalluni ataatsimiititsinernut piffissaliussat sumiiffissallu allattorsimaffiat takuneqarsinnaavoq. Allannguuteqassappat uani www.naalakkersuisut.gl allagarsiissutigineqassaaq.
|
Illoqarfik/nunaqarfik |
Sumiiffik |
Piffissaq |
|
Narsarsuaq |
Hotel Narsarsuaq |
29. jan. 2024, nal. 19:00-21:30 |
|
Tasiusaq |
Atuarfik |
30. jan. 2024, nal. 11:00-14:00 |
|
Alluitsup Paa |
Eqaarsaartarfik |
31. jan. 2024, nal. 11:00-14:00 |
|
Nanortalik |
Kommunip allaffia |
31. jan. 2024, nal. 19:00-21:30 |
|
Qaqortoq |
Hotel Qaqortoq |
01. feb. 2024, nal. 19:00-21:30 |