Atuarfiup pisoqartaata saniatigut illorsuup ilaani init atuartitsiviusut marluk, inillu sanianiittut aamma oqummik eqqugaasimammata assersorneqarput, matuneqarlutillu.
R/T suliffeqarfiutaa, eqqiaanermik, silaannalummik kiisalu oqummik, misissuinissamut ilisimasallit misissuitinneqarput. Atuarfiup oqunnera suliniutigineqarpoq.
- Init ilai assersortippavut taamaasilluni oquup tappiorannartuisa siaruaatinnginnissaat killilersimaneqarluni. Nanortalimmi sanasut nutarsaanermi sulisorineqarput, taakkulu naammassippata oqummik nungusaaneq saliinnerlu nanginneqassaaq, Nanortalimmi atuarfiup pisortaa Magdaline A Geraae oqarpoq.
Atuarfiup illorsuartaasa ilaanni matusineq peqqutaalluni, Atuakkanik atorniartarfik matugallarneqarpoq. Ilinniartitsisut inaat, siunnersortit, pisortaqataasullu allaffeqarfiat, ilinniartitsisut sulliviat, pedelit, eqqiaasullu inaat, kiisalu toqqorsiviit aamma matuneqarput.
Angajoqqaat susassaqartullu skoleintra aqqutigalugu, illoqarfimmillu allagarsiinikkut ilisimatinneqarput.
Nanortalimmi atuarfiup pisoqartaa oqummat matusariaqartoq
Nanortallip atuarfiata pisoqartaata oqunnera peqqutaalluni atuarfiup ilaa matusariaqartoq, inillu ilai assersortariaqalersimasut atuarfiup pisortaata nalunaarutigaa.
Udgivet d. 13. november 2023