Kommune Kujallermi ilaqutariinnik sullissisut pitsaaliuisullu suleqatigiillutik Ilaqutariit Illuanni meeqqat inuusuttuaqqallu eqqumaffigineqartut Lars Møller peqatigalugu sammisaqartinneqarput.
- Meeqqat inuusuttuaqqallu sullitagut sakkussanik pitsaasunik tuniorartuarnissaat pingaarpoq, taamaammat illoqarfinni pingasuni Lars Møller suleqatigalugu sammisaqartitsineq maanna ingerlatileruttorparput, Isumaginninnermut Pinaveersaartitsinermullu Ingerlatsivimmi pisortaq, Nielsine Petersen oqarpoq.
Sammisaqartitsinermi sammineqarput Ornittagaq aamma Angalaartartut, taakkulu illoqarfinni pingasuni pilersinneqaqqammerput.
- Illoqarfiit pingasut meeqqanut inuusuttunullu Ornittakkamik siorna pilersitsivigivagut, taakku aningaasarsiffinni sapaatip akunnerata naanerani meeqqanit inuusuttuniillu orninneqarsinnaasarput. Angalaartartut aamma pilersippagut, taakkua aamma aningaasarsiffinni illoqarfinni angalaartarput meeqqanik inuusuttunillu toqqissisimatitsinissamik siunertaqartumik naaperiaasarlutik, Nielsine Petersen oqarpoq.
Meeqqanut inuusuttunullu sammisassaqartitsinerup saniatigut Isumaginnittoqarfimmi Meeqqanut Inuusuttunullu sullissisut temadagertinneqarput.
Sammisaqartitsisoqarneranut atatillugu Snow Falcon Mediami piginnittuusoq Arina Kleist, Ornittagaq aamma Angalaartartut pillugit piviusulersaarummik filmiliortuusaaq.
Meeqqat pisinnaatitaaffii pillugit sullissivik MIO-p ukiukkaartumik nersornaasiuttagaanik Lars Møller siorna pissarsivoq, taanna imminut toqunnissamik pinaveersaartitseqataallunilu suliuniuteqaqataasarsimavoq.