Borgmesteri Stine Egede ilassinninnermi qaaqqusisuullunilu ataatsimiinnerup aallartinnerani tikilluaqqusisuuvoq.
Ataatsimiinnermi USA-p Danmarkimi aallartitaa Alan Leventhal, Nunanut allanut tunngasunut Naalakkersuisoq, Vivian Motzfeldt aamma Danmarkip Nunanut allanut tunngasunut ministereqarfianit Tobias Elling Rehfeldt kiisalu nunani taakkunani pingasuni naalakkersuisoqarfinnit assigiinngitsunit atorfilittat arlallit peqataapput.
Joint Committee Kalaallit Nunaata, Danmarkip kiisalu USA-p sammisanut soorlu ilinniartitaanikkut, kulturikkut, inuussutissarsiornikkullu suleqatigiiffigaat.
Qinikkat ataatsimiittarfianni pingaarutilinnik tikeraartoqarneq
Qinikkat ataatsimiittarfiat ulluni septembarip 27-anni 28-annilu 2023 Joint Committeemut tikilluaqqusinermut oqallittartoqatigiit ataatsimiinnerannut atorneqarpoq.
Udgivet d. 28. september 2023