Qooroq pisuinnaat aqqutaat ukiorpassuarni qummut ammullu aqqutigineqartartoq maanna tummeraqalerpoq, tamannalu innuttaasut qangali kissaatigaat.
- Ukiorpassuarni aqqutip majuartarfeqalernissaa kissaatigineqarsimasoq kommunalbestyrelsimiit piviusunngortissinaagatsigu nuannaarutigaarput, majuartarfiillu atorluarneqarnissaat qularnanngilaq, Kommune Kujallermi Borgmester Stine Egede oqarpoq.
Majuartarfiit sananeqarneri illoqarfimmut illoqarfimmiillu pisuinnaat aqqutaat ajornannginnerunissaannut siunertaapput, majuartarfiillu qummut Qaavap tungaanut tallilerneqarnissaannut periarfissaqarlutik.