Kirsten Larsen Egedep uigisimavaa Kristian Egede, pingasunik qitornaqarfigisani. Kirsten Larsen 1966-imiit ukiut 30-it missaanni Narsami najugaqarpoq. Tassani ilinniartitsisuuvoq 1980-ikkullu naaneranniit Narsap Katersugaasivianissaaq pisortaasimalluni. Kirsten Nanortallip Katersugaasivianik kingornalu Narsap Katersugaasivianik pilersitsinermi katersugaasivittullu akuerisanngortitsinermi assut pingaaruteqarsimavoq.
Ilinniartitsisutut katersugaasiviullu pisortaatut sulinermi saniatigut Kirsten eqqumiitsuliortuuvoq allaaserinnittartuussimallunilu. Narsami qassiinik annertuunik eqqumiitsulianik saqqummersitsisarsimavoq. Arlalinnik atuakkiaqarpoq, taakkunannga marluk Ujuaangivasimmut Johan Markussenimut tunngasuullutik.
Kirsten 2019-mi Kommune Kujalliup kulturikkut nersornaasiuttagaanik nersornaaserneqarpoq.
Kirstenip suliarpassui Kalaallit Nunaat, pingaartumillu Narsaq pillugu ilisimasaqarnerujussuanik asanninnerujussuanillu takutitsisuupput.
Kirstenip Nunatsinni illoqarfiit qassiit najorsimavai, tassa ilaatigut Ittoqqortoormiit, Nuuk, Nanortalik kiisalu Narsaq. Kirsten Larsen Egede ukiut kingulliit sisamat Vissenbjergimi najugaqarpoq.
Kirstenip qimatarai qitornani pingasut kiisalu ernuttani.
Kirsten Larsen Egedep eqqaaneqarnera ataqqinartuuli.