Isumaginnittoqarfimmi inatsisileritooq, Ingerlatsivimmi tullersorti aamma Utoqqaat Illuani ineriartornermi peqqissaasoq atorfiit pilersinneqarput.
Kommune Kujallermi Isumaginninnermut Pinaveersaartitsinermullu Ingerlatsivik atorfiit arlallit inuttaqanngitsut siornatigut pigineqanngitsut pilersippaat, tamanna pivoq Kommunimi pisortaaneq aamma Isumaginninnermi Pinaveersaartitsinermi ataatsimiitsitaliami siulittaasoq akuersineratigut.
Inatsisileritooq, Isumaginninnermut Pinaveersaartitsinermullu Ingerlatsivimmi tullersorti aamma utoqqaat illuani peqqissaasoq ulluinnarni suleriaatsimi pingaaruteqarluinnarmata iluaqutaalluassapput.
- Ulluinnarni ingerlatsinitsinni tamaviarsoratta ilaatigut ajoraluartumik suliagut kinguaattoorutaasartumik, taamaammat atorfinittussat nutaat pingasut isumalluarfigaakka, Kommune Kujallermi ataatsimiitsitaliami siulittaasoq Sofia Olesen oqarpoq.
Peqqissaasoq illoqarfinni aammalu Alluitsup Paani utoqqaat illuani utoqqarnik timikkut tarnikkullu peqqissumik inuunerannik ineriartortitsinermik suliaqassaaq.
Inatsisileritooq isumaginninnerup iluani suliassat pingaaruteqartut peqqissaartumik suliassarai.
Isumaginnittoqarfimmi Ingerlatsivimmi tullersortip Ingerlatsivimmi pisortaq, qullersat ulluinnarnilu sulisut qanimut suleqatigissavai, ingerlatsinermilu tamanna pisariaqarsimavoq.
- Ingerlatsivitsinni pingaaruteqarluinnartunik suliaqartilluta pisortap tulleqarnissaa pisariaqarpoq, suliavut torersumik naammassisarnissaat pingaaruteqarmat. Utoqqaat illuini peqqissaasumik peqarutta, sulisut ilinniarsimanngittut ikorfartorneqarnissaanut ineriartortinneqarnissaanut aqqutissiuussinissamut periarfissiissaaq. Taammatuttaaq Inatsisileritooq inatsisitigut suliassaqarfigut ingerlaanartumik ukkatarilerneqarnissaat uagutsinnut periarfissatsialaavoq pitsaasoq, Isumaginninnermut Pinaveersaartitsinermullu Ingerlatsivimmi Pisortaq Nielsine Petersen oqarpoq.
Isumaginnittoqarfimmi Ingerlatsivimmi tullersorti aamma peqqissaasoq inuttalerneqaareersimalerput, Inatsisileritooq inuttassarsiuunneqassaaq.