Narsarsuarmi isumasioqatigiinnermi ukiumut pilersaarusiorneq aammalu immikkoortortani assigiinngitsuni akimut suleqatigiissutissat pillugit ilaatigut pingaarnertut siunertarineqarput.
Isumasioqatigiinneq sulisunut tamanut pingaaruteqartuusoq Inerisaanermut Ingerlatsiviup pisortaa isumaqarpoq.
- Sulisut eqaatsumik ersarissumillu suleriuseqassappata immitsinnut paaseqatigiinnissaq pingaaruteqarpoq, uani isumasioqatigiinnermi Inerisaanermut Ingerlatsiviup ataani suleriutsit ersarissut suleqatigiissutissagut ilaatigut eqqartorpavut. Inunnik sullissinermut inatsit naapertorlugu sullissinerup nukittorsarnissaa aamma eqqartukkatsinni ilaavoq, Inerisaanermut Ingerlatsivimmi piortaq Kattie Egede Motzfeldt oqarpoq.
Kommune Kujallermi Meeqqerivinni aqutsisut, Atuarfinni aqutsisut, Majoriami aqutsisut, Kulturilerinermik sunngiffimmilu suliaqartut, pitsaaliuisut aamma Katersugaasivinni aqutsisut Narsarsuarmi isumasioqatigiinnermi peqataapput.