NemKonto atuutilermat akissarsiat ullut marluk sioqqullugit aningaasat nuuffissaannut piareerneqartarput, kingusinaartoqartilluguli aatsaat ulluni tulliini aningaasat nuunneqarsinnaasarlutik.
- Tamanna kingunerissavaa kingusinaartumik akissarsiassat nalunaarutaanik nassiussisimasut aatsaat ataasinngorpat imaluunniit marlunngorpat akissarsiaat kontuminni takuneqarsinnaalissammata.
Assut ajuusaarnarpoq, kisianni uagut iliuuseqarsinnaanngilagut kingusinaartumik Akissarsialerivimmut nalunaaruteqartoqarsimatillugu, Kommune Kujallermi Akisarsianut aamma sulisoqarnermut pisortaq Jacob Abelsen oqarpoq.
Akunnermusiallit tallimanngornermi septembarip ulluisa 15-ianni aningaasarsisimanngitsut naatsorsuutigisinnaavaat ataasinngornermi septembarip 18 – ianni imaluunniit marlunngornermi septembarip 19 -ianni aningaasarsissallutik.