Lasse ilaquttani ilagalugit nuussaaq aggustillu aallaqqaataani sulilissalluni.
Lasse siornatigut Kalaallit Nunaanni Danmarkimilu katersugaasiveqarnerup silarsuaani atorfeqartarsimavoq taassuma saniatigut ukiuni qassiini Kujataani Nanortallip katersugaasiviani pisortatut atorfeqarsimalluni.
Katersugaasivilerinerup saniatigut ineriaqartortitseqataasut allat suleqatigalugit ineriartuutaasumik suliniuteqarnissaminik misilittagaqarluartuuvoq.
Ingerlatsivimmi pisortaq Kattie Egede Motzfeldt oqarpoq: "Katersugaasiviup suliassaqarfiani ineriartortitsineq suliatigut pitsaasumik angusaqarsinnaanermik piumasaqaatitaqarpoq aammalu suliassaqarfinni akimut ajunngitsumik suleqatigiissinnaanermik. Lasse piffissaq eqqorluarlugu takkuppoq, tassami katersugaasivinni siulersuisut aaqqissugaanerat nutaanngortissagatsigu, taamaammat Lassep suleqatiginissaanut qilanaaqaanga".
Qaqortup Katersugaasivia nutaamik pisortartaarpoq
Lasse Meyer Ilisimatusarfimmi Kulturilerinermi Inuiaqatigiilerinermilu cand. magitut ilinniarsimasoq kiisalu Købehavnip Universititiani itsarnisarsiornermi antropoligimilu bacheloritut ilinniarsimasoq Qaqortup katersugaasiviani pisortatut atorfinitsinneqarpoq.
Udgivet d. 01. august 2023