Demokraatineersoq, Margrethe T. Andersen ataatsimiititaliami atuarfinni, meeqqerivinni, kultureqarnermi, sunngiffimmi kiisalu suliffeqarnermi suliaqarfiusumi siulittaasunngorpoq.
Borgmesteri Stine Egede ima oqarpoq: ”Demokraatit suleqatiginissaannik isumaqatigiissuteqarfigineratigut isumaqatiginninniarnerit Inerisaanermi ataatsimiititaliami inissititerisoqarnissaanik kissaateqarnermik kinguneqarpoq. Bibi Kielsen, IA-meersoq ukiut marluk affaalu siulittaasuusoq, siulittaasuunermini naammaginartumik suliaqarsimavoq, ataatsimiititaliamilu suliniutit pitsaassutsimik siuarsaataasut arlallit aallartisarneqarlutik. Margrethe T. Andersenip suliniuterpassuit piviusunngortinneqarnissaannik qulakkeerinissamik suliamik soqutiginartumik nangitsinissaa qilanaaraara”.
IA-p Demokraatillu suleqatigiinnissamik isumaqatigiissuteqarnerisa malitsigisaanik Inerisaanermi ataatsimiititaliami aggustip 17-ianni 2023-mi inissisititeriffiusumik ataatsimiittoqarpoq.