Kommune Kujallermi illoqarfiit tamarmik immikkut ataatsimik Pitsaaliuinermik Siunnersorteqartut, Kommunalbestyrelsip akuersineratigut maanna illoqarfinni tamani marlunngortinneqarput. Taamaasilluni Nanortalimmi Narsamilu Pitsaaliuinermik Siunnersortit marluk, Qaqortumi marluk aamma Pitsaaliuinermik siunnersortit aqutsisuat ataaseq katillutik arfineq-marluulerput.
- Nuannaarutigaara pitsaaliuineq pisariaqartitarput maanna inuttanik nutaanik ilaqqissinnaagatsigit, iliuuseqarnissatsinnummi assaat amerlanerusut atorfissaqartikkatsigit, Isumaginninnermut Pinaveersaartitsinermullu Ingerlatsivimmi pisortaq Nielsine Petersen oqarpoq.
Illoqarfinni Pitsaaliuinermik siunnersortit attavigineqarsinnaasut imaapput:
Nanortalimmi
Masauna H. Petersen.
Marîna Anthonsen. (Barselsorlov 1. juli)
Ungaaq Lundblad (Barselsvikar 1. juli)
Narsami
Nivi Stidsen
Vakant
Qaqortumi
Kornelia Benjaminsen
Jakob Kleist
Pitsaaliuinermilu suliaqartut aqutsisuat: Gunnar Frederiksen
Taamatuttaaq Kommunalbestyrelsip akuersissutaa maajip pingajuanni 2023 Kommune Kujallermi peqqissutsikkut inuunerinnermullu politikkimut missingiut 2022-2032 suliassatut aallartinneqassaaq.
Kommune Kujallermi peqqissutsikkut inuunerinnermullu politikkimut missingiut 2022-2032, nittartakkakkut atuarneqarsinnaavoq.