Disc golf frisbee atorlugu timersuutaavoq allaanerulaartoq nuannersorlu, kikkunnit tamanit timersuutigineqarsinnaasoq kiisalu ajornanngitsumik allanngorartinneqarsinnaasoq. Tamannalu maanna Qaqortumi kikkunnut tamanut periarfissatsialaalerpoq.
- Disc Golf Bane una kikkunnit tamanit atorneqarsinnaalluarpoq, soorlu ivigaasanik arsaattarfik kikkunnit tamanit atorneqarsinnaasoq. Frisbee atorlugu timersuutaavoq ajornanngitsoq, frisbeellu Brugsenimi pisiarineqarsinnaalissapput uagullu maani aamma atorsinnaasunik periarfissiissaagut, Nikolaj Lønstrup Kommune Kujallermi kulturilerinermi sunngiffimmilu pisortaagallartoq oqarpoq.
Disc golfernermi iluaqutissat anersaasa ilaat tassaavoq pinngortitamiinneruneq. Stressimut annilaanganermullu annikillisaataasarpoq. Pinngortitap eqqissinartua annilaanganeq stressilu annikkillisittarpaa. Uummatiginnarpoq, Disc golf aalatitsilluartarmat. Timersuut sunaluunniit qaratsamut iluaqutaasarpoq, pitsaanerusumik eqqarsalersitsisarpoq kiisalu nutaalianik eqqarsalersitsisarluni.
Disc golf Narsami Nanortalimmilu aasap ingerlanerani periarfissaalissaaq.