Meeqqat Isummersorfiisa ataatsimoorfississavaatit nuna tamakkerlugu meeqqat inuusuttullu isummannik avitseqatigisinnaallugit, ataatsimoorlusi demokratiskiusumik ingerlallusi. Meeqqat Isummersorfiinut ilanngutissanerlutit eqqarsaatigigukku makku eqqarsaatigeqqaassavatit:
• 13-t 17-llu akornanni ukioqassaatit
• Isummannik annissuinissannut sapiissuseqassaatit
• Najukkanni meeqqanut inuusuttunullu allanngueqataarusussuseqassaatit
• NAKUUSAp ataatsimiitsitsinerinut sammisassaqartitsinerinullu piffissaqartassaatit
• Piumassuseqassaatit, soqutiginnillutit aperisinnaassuseqarlutillu
Aamma ajunngilaq siornatigut sassarlutit oqaaseqarnikuusimanngikkuit, inuppassuit saanni isummannik annissisinnaanissannut ilinniartikkumaarpatsigit. Pingaarnerpaavoq piumallutillu sapiissuseqaruit, Meeqqat Isummersorfiini ilaasortat ukiumut ataasiarlutik demokratiskiusumik qinerneqartarput, qineqqusaaqqinneq periarfissaavoq.
Aaqqissuussamut ataatsimut, soorlu Meeqqat Ulluannut imaluunniit Meeqqat Ataatsimeersuartitsinnerannut, imaluunniit ass. atuartitsissutissanik paasititsiniutinut il. il. ineriartortitsinermut tunniussinerusinnaavoq.
Aallarniutigalugu 21. juni Inuiattut ullorsiornermi oqalugiarsinnaavutit.
Kommune Kujallermi attavissaq:
Kornelia Rungholm, mail: nakuusa@kujalleq.gl