Nersornaat Elia tassaavoq kujataani aallarnisaasumut suliffeqarfimmulluunniit maligassiuisumut, soorlu suliffeqarfiliornermut, isumalluarnermut nutaaliornermullu nersornaat tunniunneqartartoq.
Taanna pingasunngornermi juunip ulluisa 28-anni nalunaaqutaq 19:00 Nanortalimmi innuttaasunik ataatsimiisitsineq aallarnerlugu, Borgmesterip Stine Egedep Innovation South Greenland A/S-ip siulersuisui sinnerlugit tunniussisuussaaq.
Nersornaat sunaava?
Elia Nielsen tassaasimavoq inuk qasusuilluni nutaaliortuullunilu aalisartuunikkut, nunalerinikkut savaateqarnerullu iluani kujataani siuttuusimasoq. Nutaaliorneq aqqutigalugu kujataani suliffeqarfiit arlallit aamma aallarnisaaqataaffigisimavai. Innovation South Greenland A/S-ip siulersuisuisa pingaartitaasa ilagaat kujataata imminut nammassinnaasumik ingerlalernissaa, piffik inuussutissarsiornikkut suliffeqarnissamullu periarfissaqarluartoq.
Nersornaat siulleq ukioq 2020-mi tunniunneqarpoq.