Illu (B-84) saqqummersitsiviusarpoq, toqqorsiviulluni kiisalu katersugaasiviup pisortaata allaffeqarfigalugu.
Tassalu tassani kalaaleq ajoqi / palasi taalliortoq, eqqumiitsuliortoq kiisalu politikkeri Henrik Lund (1875-1948) ajoqitut kingornalu palasitut sulisimavoq.
Illutoqaq qisuusoq kusanartoq 1927-ip tungaanut illoqarfiup oqaluffigaa. Narsaq inuttunerulermat oqaluffimmik annerusumik pisariaqartitsisoqalerpoq.
Pissusitoqaatut ilisillugu iluarsaassineq aningaasaateqarfinnit ukunannga taperserneqarpoq:
1. Den A.P. Møllerske Støttefondimit 200.000 kr.-inik
2. 15. Juni Fondenimit 150.000 kr.-inik
3. Dronning Margrethep Prins Henriulu aningaasaateqarfianit 100.000 kr.-inik.
Narsap Katersugaasiviata pisortaa Jesper Stormly Enevoldsen tamatumunnga tunngatillugu ima oqaaseqarpoq:
”Nuannaarlungalu tulluusimaaqaanga taama pissusisoqaatut iluarsaassinermut tassunga aningaasaateqarfinnit aningaasanik Narsap Katersugaasivia pissarsisinnaasimammat. Illu qisummik sanaajuvoq ukiut 100 sinnerlugit pisoqaassuseqarluni kusanarlunilu, ilaatigullu illoqarfiup oqaluffigisimavaa atuarfigisimallugulu. Taamaammat illoqarfiup inuinut takornarianullu, kiisalu katersugaasivimmut isertartunut allanut, saqqummersitsiviit illumi tassani ittut assut nuannaarutaasarput.
Illutap oqaluttuassartaa nammineq aamma soqutiginaqaaq, tassami Narsap oqaluttuassartaata ineriartorneranut taamanilu illuliortaatsimut takussutissaavoq.”
Td Sanasut illup suliarineqarneranik isumaginnittuussaaq, illulu uani ippoq: Avannarlermut B-84, 3921 Narsaq.
Oqaluffiusimasoq iluarsarneqarpoq
Narsami oqaluffiusimasoq, atuarfiusimasoq kiisalu atuagaateqarfiusimasoq massakkut nutarterneqarpoq aningaasaateqarfinnit aningaasaliissutit Narsap Katersugaasivianit pissarsiarineqartut atorlugit.
Udgivet d. 26. maj 2023