Kommunimi aqutsisutut isumagisassat amerlasinnaapput. Aqutsisut ikiorniarlugit sulisut sulilerneranniit suliunnaarnissaannut pisunut assigiinngitsorpassuarnut siunnersuutaasinnaasunik sulisoqarnermut allaffik atugassanik katersivoq. Taakkulu aqutsisut mappianni siunnersuutit katersorneqarput.
- Aqutsisut siunnersuutit pisariaqartitatik pisarnissaat pisariaqarpoq, taamaammat naapinneq pivoq, sulisoqarnermut allaffimmi pisortaq Jacob Abelsen oqarpoq.
Sulisoqarnermut allaffimmit sulisut marluk Narsami aqutsisut peqatigalugit Aqutsisut mappiannut siullermeertumut imassanut tunngatillugu eqqartueqatigiipput. Aqutsisut siullertut aqutsisut mappiata imarisassaanik siunnersuutinik oqariartuuteqarput, aammalu siunnersuutaasinnaasunik allanik taasaqarlutik.
Nanortalimmi aqutsisut Sulisoqarnermut allaffimmeersut naapeqatiginissai tullinnguuppoq, tassanilu aqutsisut mappiannut kissaatitik oqariartuutitillu apuusinnaavaat. Qaqortumi aqutsisut aammalu kommunip aqutsisoqatigiivi aqutsisut mappiannut kissaatiminnik oqariartuuteqarnissaminnik aamma periarfissinneqarput.