Torben Emil Lynge politikkikkut suliaqarnermini Atassut tunuliaqutaralugu ilaatigut aamma Inatsisartuni ilaasortaasimavoq.
Ukiorpassuarni ilinniartitsisutut sulinermini, minnerunngitsumillu atuarfimmi pisortatut ingerlatsisimanerata kinguneri ullumikkut takussutissartaqarluarput. Tamanna pillugu inuiaqatigiittut, minnerunngitsumik Narsap kommuunerisimasaani maannalu Kommune Kujallermi annertuumik qujassutissaqarfigaarput.
Assigiinngitsutigut soqutigisaqarnermini suliarisarsimasaanut tamanuttaaq qujassutissaqarluarpugut. Atuakkanik arlalissuarnik qallunaatuumit kalaallisuumut nutsigaqarsimasai aammalu ilaatigut erinarsuutinik naqitanngortissimasai qaqugumut pigissavagut.
Torben Emil Lyngep qimagunnerani ilaqutaasut tamaasa, nulia, qitornai, ernutaalu uummammik pisumik misigeqatigaakka.
Torben Emil Lyngep, ”Nukartara”p eqqaaneqarnera ataqqinartuuli.
Stine Egede, Kommune Kujallermi Borgmesteri.