2025-mi Qaqortumi mittarfiup ammarnerata kingunerisanik Kujataani inuussutissarsiutinik ineriartortitsisariaqarnerup sammineqarnissaa isumasioqatigiinnermi siunertaavoq. Inuussutissarsiorneq pillugu isumasioqatigiinneq siulleq februaarip qulingiluaanni Qaqortumi ingerlanneqarpoq, inuussutissarsiutit pillugit isumasioqatigiineq Narsarsuarmi Narsamilu nanginneqassaaq. Nanortalimmi marsip ulluisa 29-ianni ingerlanneqarpoq
- Mittarfiliorneq pilersaarutit malillugit ingerlavoq, kisiannili imaanngilaq timmisartoq siulleq minniariartoq ineriartorneq aamma imaaliinnarluni tikiunneqassasoq. Ineriartortoqassappat pisariaqartitavut assigiinngitsut qulaajassavavut kiisalu takorluukkavut qanorlu aallartinnissaat saqqummiutissallutigit. Tassa inuussutissarsiorneq pillugu isumaqatigiinnermi siunertaasoq. Isumasioqatigiinnerit siulliit Qaqortumi Nanortalimmilu iluatsilluartumik ingerlanneqarput, neriuppungalu sumiiffinni tikitassatsinni aamma taama ingerlajumaartoq, Kommune Kujallermi borgmester Stine Egede oqarpoq.
Narsarsuarmi inuussutissarsiutinik ingerlataqartut qaaqqusissummik pajunneqarsimaput, taavalu savaatillit inuussutissarsiutinillu ingerlatallit qaaqqusissummik tigusaqarsimanngitsut peqataajumallutik paasisaqarnerujumallutilluunniit ukununnga allassinnaapput: sten@kujalleq.gl imaluunniit elsi@kujalleq.gl.
Narsarsuaq: Inuussutissarsiorneq pillugu isumasioqatigiinneq Hotel Narsarsuarmi 21. april, 19.00 ingerlanneqassaaq.
Nereqatigiittoqassaaq kl. 18.00 (nalunaarnissaq pisariaqarpoq)
sten@kujalleq.gl imaluunniit elsi@kujalleq.gl
Narsaq: Inuussutissarsiorneq pillugu isumasioqatigiinneq piaartumik ingerlanneqassaaq.
Nalunaarnissamut ikiugassaaguit Allattoqarfik attavigisinnaavat oqarasuaatikkut: 645313.
- Neriuppunga inuussutissarsiornermik ingerlataqartut amerlasuut soqutiginnillutik peqataajumaartut, amerlanerullutami ataatsimoorfeqarutta ineriartorneq annerusoq pilersissinnaavarput, Stine Egede oqarpoq..
Borgmester Stine Egede, pisortaaneq, inuussutissarsiornermut allatsi kiisalu ISG inuussutissarsiutit pillugit isumasioqatigiinnermut peqataassapput.
Peqataaniartut angalanissaq nammineerlutik isumagissavaat.