Innovation South Greenland nutaamik pisortartaarpoq

Kirsten Ørgaard tarnip pissusianik (cand.psych.) ilinniagaqarsimavoq. Aqutsisutut siulersuisunilu sulinermut
ilinniagaqarsimavoq. Ukiorpassuarni aqutsinermik, suliniutinik ineriartortitsinermik, suliassaqarfiit
assigiinngitsut akornanni sulinermik, kattuffilerinermik politikkikkullu tunuliaqutaqarluni suliaqarsimavoq.
Tamatuma saniatigut suliniutinut aningaasannanniarnermik misilittagaqarpoq, taavalu Nunatsinni nunanilu
avannarlerni attaveqarfippassuaqarluni. Sulianik ilungersuussisartutut misilittagalittut, aallarnisaasutut
suliniutinillu aalajangersimasunik ineriartortitsisartutut ilisimaneqarpoq taavalu inuussutissarsiutinik
ineriartortitsinermut ukiorpassuarni misilittagaqarpoq, ilaatigut Sulisitsisuni atorfeqarnermigut kingornalu
Nuummi Sulisitsisut Peqatigiiffianni siulersuisunut ilaasortatut kiisalu Sulisisut siulersuisuisuunerini
ilaasortatut. Kirsten Ørgaard aammattaaq Namminersorlutik Oqartussani kiisalu Kommuneqarfik
Sermersuumi atorfeqarsimavoq.
Innovation South Greenland A/S Kommune Kujallermit pigineqarpoq kiisalu kommunimi
inuussutissarsiornikkut, takornariartitsinermik ineriartortitsinikkut kiisalu aallarnisaasarnikkut qitiusumik
inissisimalluni. ISG-ip suliassaasa sallersaat tassaavoq suleqataasut suliassaqarfiillu akornanni
ataqatigiinnermik Kujataani tamarmi siuariartornissamik ineriartornissamillu nassataqartussamik
pilersitsissalluni. ISG-ip aamma suliat Unesco Kujataani ingerlanneqartut isumagisarai.
Kirsten Ørgaard ukiuni qassiini ilaatigut Mælkebøttecentermi pisortaasimavoq, taanna 2002-mi aallartitaraa
naqqarpiaanillu ullumikkutut inissisimaneranut ineriartortissimallugu.
ISG-mi siulersuisut siulittaasuat Steffen Lynge ima oqarpoq: ”Kujataani takornariartitsinikkut,
inuussutissarsiutinik ineriartortitisinikkut, aallarnisaasarnikkut, ilinniartitaanikkut ilisimatusarnikkullu
ineriartortitsinermi Kirsten Ørgaardip pissarsiaqarfiulluartumik suleqatigissaa qilanaaraarput, tamatumanilu
Kirsten Ørgaardip piginnaasai misilittagarpassuilu Kommune Kujallermut iluaqutaalerumaarput”. Kirsten
Ørgaard Mælkebøttecenterimik pilersitsinermini ineriartortitsinermini assorsuaq angusaqarsimavoq,
taavalu suleqatissarsiullaqqinnerata attavigissaarneratalu Kujataani inuussutissarsiornikkut
ineriartortitsisinnaanera qilanaaraarput”.
Kirsten Ørgaard oqarpoq: ISG-imi suliassannut nutaanut qilanaarpunga, taavalu aqutsinikkut piginnaasat
kiisalu Kommune Kujallermik, inuussutissarsiortunik kiisalu takornariartitsisunik, inuussutissalerisunik,
aatsitassarsiortunik, ilinniarfinnik ilisimatusarfinnillu siammasissumik suleqateqarneq pingaartissavakka.
Aammattaaq Unesco Kujataata ineriartortinneqarnerani nittarsaanneqarneranilu pingaaruteqarpoq”
Sukumiinerusumik paasisaqarumasut attavigisinnaavaat siulersuisut siulittaasuat Steffen Lund –
oqarasuaat +45 23278410.