Allattoq: Stine Egede Borgmester
Maanna ammasumik saaffiginnittariaqalerpugut kujataani angallanneq ajorluinnartumik inissisimatinneqarmat.
Sikorsuit nalaanni, silaannakkut angallanneq annerpaamik ingerlasinnaavoq. Taamaakkaluartoq Air Greenland qulimiguulik ataasiinnaq kujataaniitippaa, taanalu aserullattaartuarmat suna tamarmi unittuartarpoq.
Annaasiniarneq eqqarsaatigissagaani tamakkiisumik periarfissaqanngilagut helikopteri kujataaniittoq hoisteqanngimmat.
Disko Line angallassinissamut isumaqatigiissutilik, qaammatini pingasuni, Tunulliarfik sikummalli Narsarsuarmit Narsarsuarmullu angallassinngilaq. Siusinnerusukkut billettisereersimasut kisimik qulimiguulimmik attartorluni angallanneqarput.
Air Greenland ajuusaarnaqisumik helikopteriat H155 aserorterneqarnerata kingorna helikopteri as350 tallimaannarnik ilaasoqarsinnaasoq atorneqarpoq. Kinguaattoorutillu malinnaavigilerneqarmata as350 avannamut utertinneqarpoq. H155 alla kujammukartinneqarpoq, taannalu qujanaqaaq. Maannali taanna aamma teknikkerpoq. Helikopteri taanna hoisteqanngilaq, annaasiniarnermut tamakkiisumik atorsinnaanngilaq.
Pinartoqarpat, annaassiniartoqartariaqalerpat illersorneqarsinnaanngittumiippugut.
Sikorsuit ukiorpassuarni aatsaat taama annertutigipput. Ilisimavarpullu sikorsuaqartillugu ujaasinerit annaasiniarnerillu pinngitsoorneq ajortut.
Inuiaqatigiit aningaasaataat atorlugit isumaqatigiissusiorsimagaanni aamma qularnaatsumik isumannaattumillu atortinneqarnissai nakkutigineqartariaqarput.
Isumaqatiigiissummi immikkoortuni 3:2, 3:4, 6:3 aamma 6:9 qimerloorneqartariaqarput aaqqiisoqarlunilu.