Ataatsimiititaliap Ingerlatsiviullu akulikinnerusumik naapittalernerminni ingerlatsineq politikkikkullu suliassat pillugit ataatsimiitassallutik Avatangiisinut Ingerlatsivimmi pisortap oqaatigaa.
- Avatangiisinut Ingerlatsivimmi suliassat siammasissuupput, suliassaqarfillu angimmat naapittarnitsinniit suli akulikinnerusumik naapissinnaanerput periarfissillugu sapaatip akunneranut ataasiarluta naapittalernissarput siunniupparput, tamannalu suliassatsinnut malinnaanerunissaq pilertoq malunnarluni, Avatangiisinut Ingerlatsivimmi pisortaq Sem Ottossen oqarpoq.
Avatangiisinut Ingerlatsivik aamma Teknikkimut Avatangiiseqarnermullu Ataatsimiititaliaq pisariaqartitsiffinni naapeqatigiittarneq siornatigut ingerlatartik, maanna sapaatip akunneranut ataasiarlutik naapittalernerat amigaataasimasoq ataatsimiititaliami siulittaasup oqaatigaa.
- Ingerlatsinermi politikkikkullu suliassat pillugit naapeqatigiittarnerit akulikillinissaat malunnartumik pisariaqarmat taamaaliorpugut, tamannalu suliassanik ataqatigiisaarinerulernissamik pitsaaquteqartoq malunnarpoq, Teknikkimut Avatangiiseqarnermullu Ataatsimiititaliami siulittaasoq Mouritz Karlsen oqarpoq.