Narsami, Qaqortumi Nanortalimmilu utoqqaat illuini iPad utoqqarnut avammut attaveqarusuttunut periarfissaavoq. Utoqqaallu taama periarfissaqarneri attaveqarniarnermikkut iluaqutigilluartaraat pisortaq oqarpoq.
- Utoqqaat najugallit assigiinngitsuupput, ilaat ilaquttatik qanigisatik ungasippaat taamaammat attaveqaatit pitsaasut atorlugit ilatik isigiitigalugit oqaloqatigisinnaasarneri najugaqartunut isumalerujussuuvoq. iPad utoqqaat illuini ataasiakkaanit atorneqartarnera pittagineqartoq malunnarpoq tamanna assut qujamasunnarpoq, utoqqaat illuanni Ajarsivasimmi pisortaq Naja Krigel oqarpoq.
Utoqqaat Illuat Ajarsivasik inuit tamat attaveqaqatigiittarfianni Facebookimi qupperneqarpoq, taanna aamma atorluartaritsik Najap oqaatigaa.
- Facebook quppernerput aqqutigalugu najugaqartuutitta ilaqutaat aamma qujamasuutigisaraat malunnarpoq, arlaannik ataatsimoorfimmi susoqarsimatillugu ikkussisarpugut soorunami najugaqartoq aperineqaqqaartarpoq facebookimut ikkutinnginnerani, illoqarfinni utoqqaat illuini Facebook qupperneqarsinnaaneq atorluaqqunaqaaq Naja Kriegel oqarpoq.