📷 Arina Kleist, Snow Falcon Media
Suliniut Ivigakuluut pingasoqiusanngirluni avinneqarsimasoq 80-inik ukiullip Marie Josefsenip siuaavisalu ivigakuluunnik assassortarneri aallaavigineqarpoq, suliniummi ilaatigut piujuaanartitsineq siunertaalluni.
- Sinnattoraarput piujuartitsineq atorlugu assassorluni eqqumiitsuliortarneq, Mariep ilinniartitsinissaminut nukissaqarnerani soqutigineqarnerulernissaa. Uani immikkuullarissumik piorsarsimassutsikkut oqaluttuarisaanermi assassorluni eqqumiitsuliortarnerup pigineqaannarnissaa, taassumallu kinguaariit tulliinut ingerlateqqinneqarnissaa pineqarpoq, assassornerup suliniutaani aqutsisuusoq Sofianguak Kristiansen oqarpoq.
Suliniutit taamaattut Kommune Kujalliup tapersersugarai, piujuaannartitsineq ukkatarineqarnera borgmesterip pingaartippaa.
- Nuannaaritigaara periarfissap tammannginnerani tammatsaaliinissamik soqutiginnillutik suliniuteqartunik ilaqaratta. Tapersersuisullu allat tamaasa qujaffigaakka, Kommune Kujallermi Borgmesteri Stine Egede oqarpoq.
Ivigakuluunnik suliaqarlutik assassorsimasut arfininngornermi marsip 25-anni Qaqortup Katersortarfiani sanaaminnik saqqummersitsipput.