Mammalaajap puukua, tinguaqqap puukua, makraalip puukua, imeruersaatip puukua, nerisakut allallu Qaqortumi kommunip allaffiani eqqaavimmut ataatsimut igittarunnaasapput. Taakku immikkoortiterlugit iginneqartalerput taamaalillunilu atoqqiineq mingutitsinnginnerlu atorneqarnerulissallutik.
- Suliffik avatangiisinut pinngortitamullu mingutitsinngitsoq siunertaavoq, eqqakkat savimminiusut igalaammerngillu atoqqissinnaapput uagullu maani immikkoortikkavut eqqaavissualiaanneqartartut danmarkimut nassiunneqartarput taamaalillutik atoqqiffissaminnut atoqqinneqarsinnaalissallutik, Allattoqarfimmi pisortaq Max Heilmann Larsen oqarpoq.
Eqqaaviit immikkoortiteriviit Qaqortumi kommunip allaffiani immikkoortortaqarfinni ataasiakkaani inissinneqassapput, eqqaaviillu allaffinniittut puusiartaqassaarlutik pappiliaanarnut atulerlutik.
Pilersaarutaavoq siunissami Kommune Kujalliup allaffeqarfii eqqaavinnik immikkoortiterilerumaarnissaat.