Kommune Kujallermi meeqqat aliasuutinik qaangiiniaqatigiiffiat
Kommune Kujallermi Isumaginnittoqarfiup konsulenti Aviaja Rohmann Hansen kommunimi inunnik sulissisunut pikkorissaanissaanut isumaqatigiissuteqarfigaa.
Aviajap pikkorissaanissammut ilaatigut neqeroorutigai avinneq, toqusoqarnera, imminut toqunneq, aliasunneq paqumigisallu allat pillugit inunnut ataasiakkaanut eqimattakkaarluniluunniit oqilisaassilluni oqaloqatiginninnerit, oqalugiarnerit, oqallitsitsinerit / oqaloqatigiinnerit, pikkorissaanerit pisortat namminersortullu inunnik sullissiviini inunnik sullissisunut sammisitat.
Aviaja annermik Nuummi pikkorissaanernik aamma meeqqat inuusuttuaqqallu aliasuutinik qaangiiniaqatigiiffiinik ingerlatsinermik ukiut 15 sinnerlugit misilittagaqarpoq.
Aviaja Qaqortumi pikkorissaassaaq 6.- 8. martsimi, Narsami 10., 11. aamma 13. martsimi kiisalu Nanortalimmi 14., 15. aamma 16. marts 2023-mi.
Kommune Kujallermi pikkorissaanerni pingaarnerutinneqartussat tassaapput: meeqqat inuusuttuaqqallu aliasuutinik qaangiiniaqatigiiffii, tarnikkut ikiorsiigasuarneq, aliasunnermullu qisuariaatit.
Udgivet d. 02. marts 2023