Ingerlatsiviit marluk akornanni suleqatigiinneq nukittorsarniarlugu naapeqatigiinneq
Inunnik Isumaginninnermut Pitsaaliuinermullu Ingerlatsivik aamma Inerisaanermut Ingerlatsivimmi sulisut ataatsimiititaliamilu ilaasortat suleqatigiinneq nukitorsarniarlugu naapeqatiigiittussanngorput.
Ingerlatsiviit ataatsimiititaliallu marsip arfineq pingajuanni naapeqatigiittussanngortut ulluinnarni suliniutinik sulianillu pitsaasunik ingerlataqareersut, suliaat ataqatigiissarlugit qanoq suleqatigiissinnaaneq naapeqatigiinnermi oqallisigineqassaaq.
-Isumaginninnermi Ingerlatsivitinni suliagut aamma Inerisaanermut Ingerlatsivimmi suliaat ataqatigiiffippassuaqarput. Suliniutillu taamaattut ataqatigiinnerusumik qanoq suleqatigiissutigisinnaanerigut naapeqatigiinnitsinni oqallisigissavagut. Naapeqatigiinnissamut qilanaarpunga, siunertaqaqatigiillunimi assaat amerlanerusut atorlugit suleqatigiinneq angusaqarnarnerusarpoq, Isumaginninnermut pinaveersaartitsinermullu Ingerlatsiviup pisortaa Nielsine Petersen oqarpoq.
Ingerlatsiviit naapeqatigiinnerminni ilaatigut ilaqutariinnik aqqutissiuussilluni sullissinerit aamma siusinaartumik iliuuseqarluni suliniutit, Nakuusap suliniutai aamma Nakuusaaqqakkut qanoq suleqatigisinnaaneri, meeqqat immikkut pisariaqartitsisut atuarfinni atuareernerullu kingorna ornittakkaniittut ataatsimoorluni qanoq suleqatigiiffigineqarsinnaaneri ilaatigut naapeqatigiinnermi eqqartorneqassapput.
Isumaginninnermut pitsaaliunermut Ataatsimiititaliaq aamma Inerisaanermut Ataatsimiititaliaq sapaatip akunnerani 15-mi 16-milu nunaqarfinnut angalanissaat pilersaarutaavoq.
Udgivet d. 06. marts 2023