Ippassaq Narsamiippunga, taamaammallu tupaqqaneq qanimut misigaara. Qujanartumilli inuunermik navianartorsiortoqanngilaq.
Narsami innuttaasunut oqariartuutigerusuppara: Immissinnut tapersersueqatigiigitsi, misigisassinnik oqaasinnguigitsi aammalu eqqumaffigeqqunarpoq meeqqat aamma inersimasumik oqaloqateqarnissaminnik pisariaqartitsisinnaammata.
Inuit attaveqaqatigiittarfiini allaaserinnittut amerlapput, tamassilu kaammattorusuppassi eqqissisimaannaqqullusi oqaluttuanillu eqqunngitsunik siammartereqataaqqunasi.
Ulluni makkunani oqartussat pisoq pillugu ulappupput, taamaammat sulinerat ataqqeqqunarpoq.
Narsami innuttaasut tarnikkut ikiuigasuarneqarnissamik pisariaqartitsisut imaluunniit oqaloqateqarnissamik pisariaqartitsisut iIaqutariit illuannut kommunimiittumut saaffiginnissinnaapput.
Oqartussanit assigiinngitsunit suleqativut tamaasa qutsavigerusuppakka. Suliassat amerlasuut suliassaasut ilisimavara. Sukkut arlaatigut ikiuussimasut tamaasa qujaffigerusuppakka. Arlaannik pisoqartillugu ikioqatigiillaqqittaqaagut.
Ajoqusersimasut tamaasa iluarsilluarnissaannik kissaappakka.