Kommune Kujallermi Aningaasarsiornermut Inuussutissarsiornermullu Ingerlatsiviup immikkoortortaqarfiani sulisut naatsorsuuserinermut februaarip 11-anni pikkorissarneqarmata, Namminersorlutik Oqartussat nalunaarutaat normu 6 januaarip 20-anni 2022-imeersoq ilaatigut tunngavigineqarpoq. Sulisullu malinnaatinneqartarnissaat pingaaruteqartoq ingerlatsiviup pisortaata oqaatigaa.
- Namminersorlutik Oqartussat naatsorsuuserinermut inatsisaat tunngasut nutaat aallaavigalugit siunissami suliassat aaqqissorneqarput, tassuunalu sulisuvut isummanik nutaanik suleriaqqinnissatsinnullu inatsisit aallaavigalugit qaammarsaaffigineqarput, Aningaasarsiornermut Ingerlatsivimmi pisortaq Kim Rosendahl oqarpoq; nangillunilu, kommunimi naatsorsuuserisut immikkoortortaqarfiit missingersuutaat naatsorsuutaallu ajunngitsumik atorneqarnissaat ilanngullugu ilitsersuunneqarput.
Pikkorissarneq attaveqaatit atorlugit Nanortalimmiit Narsamiillu peqataaffigineqarnissaa periarfissaasoq Qaqortumi kommunip allaffiani ingerlanneqarpoq.