Nipilersornermik kulturilerinermillu soqutigisaqaqatigiit peqatigiiffittaavata taajuutigilerpaa Kujataani nipilersortartut kulturilerisullu. Peqatigiiffimmik pilersitsisut kujataani kulturikkut nipilersornikkullu nukittortsaanissamut suliassanik kivitseqatigiinissaq ilaatigut siunartarineqarpoq, tassani qiimmassaaqatigiineq innuttaasullu allat soqutiginnittut suleqatiserisarnissaat siunartaalluni.
Kommune Kujallermi Borgmesterip Stine Egedep nammineq kajumissutsimik suliniartoqarnera assut nuannaarutigaa.
- Kalaallit nuannaallaqqissuunitsinnik ilisarnaatigilluartagarput katerisimaarneq nipilersoqatigiineq, erinarsoqatigiinnerlu uani peqatigiiffiup nutaajusup angusanngitsoornavianngimmassuk assut nuannaarutigaara. Minnerunngitsumik nammineq kajumissutsiminnik suliamik taamaattumik aallartitsillutik iliuuseqarnerat tulluusimaarutigaara, minnerunngitsumilli oqariartuutigisaat; pisortat utaqqiinnarnagit nammineq iliuuseqarnerunissaq nuannaraara oqaatigimmassuk, Stine Egede oqarpoq.
Kujataani nipilersortartut kulturilerisullu peqatigiiffianni siulersuisuulersut ukuupput:
Nikku Olsen, Angerdla Kielsen Olsen, Brian Mølgaard, Tikkili Kleist, Pipaluk Andersen, Najaaraq Johansen aamma Agathe Vahl Møller.