Meeraq immikkut ittunik ajornartorsiuteqalersimatillugu ilaqutariinni siunersioqatigiissitsineq aalajangiiniarnermi periaaserineqartarpoq. Ilaqutariinni siunersioqatigiittarnermi ilaqutariit kiisalu meeraq nammineq, attavigisartakkatik peqatigalugit pilersaarusiornermut piviusunngortitsinermullu assut sunniuteqartarput.
Ilaqutariinni siunersioqatigiittarneq aalajangiiniarnermi suleriaasiuvoq katsorsaariaasiunani.
Ilaqutariit siunersioqatigiinnissaat neqeroorutigineqartarpoq meeqqap peqqissusia, atugai ineriartorneralu isumakuluutigineqartillugit naviartorsiortillugilluunniit. Ilaqutariit tamarmik, ilaqutariit ajornartorsiutilinnut allaat, nukissaqartarnerat periaatsimi toqqammavigineqarpoq.
Ilaqutariit siunersioqatigiinneranni ilaqutariit qanigisanik, ikinngutinik inunnilluunniit meeqqamut pingaarutilinnik naapitsisarput. Meeqqap ilaqutariillu inuunerisaa qanoq pitsaanerulersinnaanerannut tamarmik oqalliseqataasarput. llaqutariit siunersioqatigiinnerannut aamma peqataasarput ilaqutaasut suliamullu attuumassuteqartut allat.
Kommune Kujallermi isumaginninnermut pinaversaartitsinermullu ingerlatsivimmi kiisalu Ineriartortitsinermut Ingerlatsivimmi sulisut pikkorissarnermut februaarip arfernanniit qulingannut Qaqortumi ingerlanneqartussamut peqataassapput.
Ilaqutariinnik Sullissivik Charlotte Mørch Johansenimik Tumi Consultningimeersumik suleqateqarluni periaaseq pillugu Kommune Kujallermi pikkorissartitsissaaq.
Upernaap ingerlaneranissaaq Narsami Nanortalimmilu pikkorissartitsisoqassaaq.