Marlunngornermi januaarip 17-anni 2023 Aningaasaqarnermut Naligiissitaanermullu Naalakkersuisoq Naaja H. Nathanielsen aamma Kommune Kujallermi Borgmesterip Stine Egedep naapinnerminni aningaasaqarnermut aqutsineq, sulisussarsiortarneq aamma piitsuususeq eqqartorpaat.
Kingusinnerusukkut Naalakkersuisup Kommune Kujallermi Kommunalbestyrelsi naapippaa, eqqartukkanik avitseqatigalugit.
-Pisortani ingerlatsinermi aningaasartuutit qaffakkiartuinnannginnissaannik Naalakkersuinikkut inatsisitigut atuutsitsilernerup kingunerisaanik paatsuungassutigisavut paaseqatigiiffigaavut, soorlu inerisaajuarnissamut periarfissaqartoq qulakkeerparput. Siunissami sanaartugassat nutartigassallu pillugit sulineq nangeqqinneqassaaq, Borgmester Stine Egede oqarpoq nangillunilu;
-Soorlu meeqqeriviit, isumaginninnerup iluani illuutit nutartigassat assigisaallu. Aammattaaq nunagissaanerni, pingaartumillu nutaanik anartarfiit kuuffilersuinerit pimoorullugit annertusisamik ingerlanneqarsinnaalernissaannik oqaloqatigiinnerit pitsaasumik ingerlapput. Naalakkersuisunik tikittoqartarnera pitsaasutut nalilertarpara, pingaartumik kommunalbestyrelsimi ilaasortat naapinneqarnissaannut aamma periarfissinneqaraangata, Kommune Kujallermi Borgmester Stine Egede oqarpoq.