Piumasaqaatinik tamanut atuuttussanngortitsinermi Namminersorlutik Oqartussani kommuninilu akiligassanik akileeqqusissutinillu suliaqarnerup ajornannginnerulernissaa, kiisalu akiligassanut akileeqqusissutinullu pisortanut nassiunneqartunut tunngatillugu ilusissatut piumasaqaatit assigiimmik malinneqarnissaat qulakkeernissaa siunertaavoq.
Pisortat pisiortorfiinut akiligissat sumut nassiunneqartarnissaat pillugu nalorninnginnissaat aamma siunertaavoq. Assersuutigalugu akiligassaasinnaavoq Narsami meeqqerivimmi Kommune Kujalliup ataaniittumut nassiussassaq, imaluunniit Namminersorlutik Oqartussani aalisarsinnaanermut akuersissutinut allaffeqarfiannut nassiussassaq.
Akiligassat OIOUBL formatiussapput, eqqortumik GLN-eqarlutik, immikkoortortap aqqa normualu allaqqassapput, kiisalu pisiassanik imaluunniit sullissinermik inniminniisup aqqa allaqqassasoq ataatsimoorussamik piumaqaateqarfigineqalerput.
OIOUBL formati tassaavoq filitut formati assigiissaagaq, taannalu filformati kommunini Namminersorlutillu Oqartussani ataatsimoorussamik aningaasaqarnermik aqutsissutikkut toqqaannartumik ammarneqarsinnaavoq. Aqutsissummut allattuinermi kukkusoqarsimatillugu taassuma aaqqittarpaa.
Allakkap naqqani OIOUBL-inik akiligassalerinermi iserfissaq ilitsersuutitalik takuneqarsinnaavoq.
GLN tassaavoq GLOBAL LOCATION NUMBER, taavalu kisitsisit 13-it tulleriit, taakkuuppullu immikkoortortaqarfimmik/piniartarfimmik/sullitamik ilisarnaataasut. (GLN aamma EAN assigiipput).
Kalaallit Nunaanni pisortani immikkoortoqarfiit tamarmik immikkut GLN-eqarput. Kommunit immikkut nittartagaanni kiisalu Namminersorlutik Oqartussat nittartagaanni GLN-it atuuttut takuneqarsinnaapput.
Akiligassami GLN-ip eqqortup atorneqarnerani, kiisalu OIOUBL formatiutikkaanni taava pisortani akiligassamik tigusisussap eqqortuunissaa qulakkeerneqassaaq. Matumani akiligassat arlaatigut eqqunngitsumik imaqaraluarpata sukkasuumik sukuiarneqarlutik aaqqiivigineqarsinnaalissapput, taamatullu aamma akiligassanut piumasaqaatit isumaqatigiissutaareersut attanneqarnissaat aamma pitsaanerusumik ingerlalissallutik.
Kommunini Namminersorlutillu Oqartussanilu immikkoortortaqarfinni akiligassanik tigusisoqartarpoq qarasaasianut akiligassanik tigusisimanermut nalunaarsuisartunik, tamannalu akiligassat akilerneqarnissaannik pitsaanerusumik suliaqarnissap qulakkeerinninnissarlu siunertarivaa.
Pisortani sulisut tamarmik ilisimatinneqarput inniminniinermi pisinermilu GLN, immikkoortortaqarfiup aqqa normualu kiisalu inniminniisup aqqa allanneqartassasut, tassa imaappoq inniminniisoqarpat, neqeroorusiortoqarpat allatsitsisoqarpalluunniit allanneqassapput.
Pisortanut tuniniaasunut sullissinernullu killeqartut, kiisalu formatimik piumasaqaatigineqartumut tunniussisinnaanngitsut innersuunneqarput uunga:
Quppernermi matumani akiligassanik nassiussinissami ilitsersuut tamanit atorneqarsinnaavoq.
Kommuninut tamanut Namminersorlutillu Oqartussanut akiligassanut tunngatillugu ataatsimoorussamik piumasaqaatit 2020-mi oktobarip aallaqqaataaniit nassiunneqartunut atuupput.
Imaappoq akiligassat eqqortumik GLN-ilerneqarsimanngippata, immikkoortortaqarfiup aqqanik normuanillu eqqortumik allassimanngippata, kiisalu pisiassamik sullissinissamilluunniit inniminniisup aqqa allassimanngippat sullinneqarnavianngilaq, tamatumalu malitsigisaanik aamma akiliisoqarnaviarani.
Akiligassat OIOUBL formatiunngitsut suliarineqarnerat arriinnerussapput, kiisalu eqqortumik GLN- ilerneqarsimanngitsunut, immikkoortortaqarfiup aqqanik normuanillu eqqortumik allassimanngitsunut, aamma pisiamik sullissinermilluunniit inniminniisup aqqa eqqortumik allassimanngitsunut piumasaqaatit atuupput, taamaammallu sullinneqassanngillat akilerneqaratillu.
Qarasaasiakkut akiliisitsisarnerup aqunneqarnera pillugu Inatsisartut inatsisaat nr. 50, 23. november 2017-imeersoq naapertorlugu atuutsinneqarput.
Inussiarnersumik inuulluaqqusilluta
Kommune Kujalleq
Aningaasaqarnermut immikkoortortaqarfimmi akiligassaleriffik Postboks 514
3920 Qaqortoq
Akiligassat tamarmik Kommune Kujallermukartut nassiunneqassapput uunga: faktura@kujalleq.gl
Akiligassat OIOUBL-iusut/qarasaasiakkut akiligassat pillugit ilitsersuutinut ilinkit: