Luuvikasimmi utoqqaat najugaqartut katillugit 31-upput, najugaqartunullu pulaartartunngortussat qularnanngitsumik ilalersuinermikkut nuannaarnermik tunisisartussaapput, kiserliornermillu misigititsinatik.
-Utoqqaat inuunermi misilittagartuujupput, taamaakkamilu oqaloqatigalugit pissarsiaqarnartuaannarpoq. Utoqqaat pulaarneqartalernermikkut aliikkusersorneqarnikkullu nuannaarnermik pissarsillutillu tunniussisarumaartut qularinngilara. Ilisimatitsissutigissavara pulaartarneq ikinngutitaarnerlu aningaasartaqanngimmat, kajumissutsimilli pulaarnerusussammat, Luuvikasimmi aqutsisuugallartoq Avijaaja Rothaús Olesen oqarpoq.
Pulaartalernissaminnut soqutiginnittut paasissutissanillu pisariaqartitsisut oqarasuaammut uunga attaveqarsinnaapput:
Avijaaja Rothaús Olesen 38 15 16.
Imaluunniit attavigineqarusuttunut uunga mailertoqarsinnaavoq: avol@kujalleq.gl