Innuttaasut taama amerlatisgisut atuilereersimanerat sullissivimmi sulisup nuannaarutigaa.
Maajip aallaqqaataani 2022 nunatsinni MitID innuttaasunut atuutilersinneqarmat, inuttaasut amerlasuut oqitsuinnaanngitsumik atulerniaraat tusarsaasimagaluartoq maanna Kommune Kujallermi innuttaasut amerlanersaasa atulereerpaat. Kommune Kujallermi sullissivimmi sulisup MitID innuttaasut amerlanersaasa atulernissaat pingaartippaa.
- MitID saaffiginnissutigineqaraanngat pingaartittarpara inuit imminnut sullinnissartik ilikkassagaat, tassani pingaartillugu innuttaasut amerlanerpaat nammineerlutik MitID atorsinnaalernissaat, Najaaraq Petersen Kommune Kujallermi sullissivimmi sulisoq oqarpoq.
Kommune Kujallermi nunaqarfinni najugallit MitID-qanngitsut oqarasuaatitigut ikiortinnissaat periarfissaavoq.
- Innuttaasut maannga Sullissivimmut sianerlutik ikiortittuaannarsinnaapput, taamaammat nunaqarfinniikkaluaraanniluuniit Sullissiveqarfiit oqarasuaatitigut ikiuunnissarput aamma periarfissaajuaannarpoq, Najaaraq Petersen oqarpoq.
Oqarasuaatikkut saaffiginnikkusuttut 704100-mut sianerlutik attaveqarsinnapput.