Perorsaasut bachelorinngortut ilinniagaat ukiut sisamat affaq sivisussuseqartoq sisamanngornermi decembarip 15-ianni allagartartaarfiuvoq. Kommune Kujallermiit ilinniarlutik allagartartaartut ilinniakkaminnik naammassineranni borgmester Stine Egedep tulluusimaarutigai.
-Kommunitsinni perorsaasunik bachelorinik pisuunnguallaqqinnerput nuannaarutissavoq meerartatsinnut nalitungaartoq. Taamaattumik pinngitsoorusunngilanga allagartartaartut angusaat pillugu pilluaqqusinissannut. Perorsaanerullu silarsuaani qaffasissumik ilinniarsimasunik kommunitsinni sulisoqalernissaq annertummik sunniuteqassasoq qularinngilara, Stine Egede tulluusimaarluni oqarpoq.
Perorsaasut bacheloorinngortut Kommune Kujallermiit aggerfeqarlutik allagartartaartut tassaapput; Jane Ina Hansen, Arnaq Lund Frederiksen, Dorthe J. Frederiksen aamma Emiiliaaraq Josefsen.
Kommune Kujalleq perorsaasunik bachelorinik pisuujunerulerpoq
Perorsaasutut sammivilimmik bacheloritut ilinniartut Kommune Kujallermeersut sisamat decembarip 15-ianni allagartartaarput.
Udgivet d. 19. december 2022