Inussuk IT aamma Isumaginninnermut Aqutsisoqarfik suleqatigiillutik Kommune Kujallermi Isumaginnittoqarfimmi meeqqanut inuusuttuaqqanullu sullissisunut systemimut nutaamik atuilernissaannik pikkorissaapput. System nutaaq ESHD-symtemiuvoq Get Organized.
Isumaginnittoqarfimmi pisortap systemip nutaap atorluarneqalernissaa qilanaaraa.
- Qilanaarpunga systemip nutaap atorlualernissaannut, tassami suliat sukumiinerusumik ataavartumillu tamaasa ataatsimut sullissisut takusinnaalissammassuk. Systemi nutaaq eqaatsuuvoq sulinitsinnut sullitatsinnullu oqilisaasussaassaaq Isumaginninnermut pitsaaliuinermullu Ingerlatsivimmi pisortaq Nielsine Petersen oqarpoq.
Narsamiit Nanortalimmiit Qaqortumiillu meeqqanik inuusuttuaqqanillu sullissisut peqataapput.