Juulli puigunaatsoq: Meeraallunga juullilernerani nissimaaq assut takerusuttarnikuugakku, taamaattumik 23-anni unnuaani sininnaveersaarujussuartarnikuuvunga, iluatitsivallaarnerlu ajorlunga.
Puigorneq ajorpara juulliaqqami iteraangama tupigusuttuaannarlunga suna tamarmik suliarereersimasarmat, juullimut pinnersaatit, orpik ikimmaarissoq, illorlu tamaat juullerpaluttunik pinnersarsimasoq orpiullu ataani poortukkanik ulikkaartartoq. Misigissuseq taana meeraallunga assut puujuikkiunnikuuara, nuannersumik eqqaamasarakku tupigalugulu nissimaap ulapittarsimanera ulapittorlu naammattuungittoornikuullugu.
Nikolajip siunnersuutitsialaat tunniukkusutai:
●Apeqqutaanngilaq qanorluunniit amerlatigisunik kammaqarnissaq, apeqqutaaneruvorlu kikkut kammaginerlugit.
●Ajoqutit ujartornagit periarfissat ujartukkit.
●Nuannaarnermik tunisigit uteqqittarpoq.