Juullisiorneq puigunaatsoq
MeeraaninniNarsami juullisiortarnigut eqqaammasakkaamerlaqaat. Soorlu 23-anni unnukkut orpiliamik ilaqitariiulluta pinnersaasarnigut. Juulliaqqami nereqatigiinnissatsinnut piareersaasarnigut meeraallunga nuannarilluartarnikooqaakka eqqaamasaqarfigilluarlugillu.
Nammineq meerartaareerattali maani Qanisartuuni ilaqitariiulluta ileqqorilernikuusatsinni nuannernerpaasoraara juulliaqqami tasersuarput sikusimatillugu, ilaqitariiulluta sisoraatilerluta sikukkut ullukillisaataa aneerujoortarnerput. Pisuttuariarluta qeqertanut ungasinngisatsinniittunut naneruutinik ikitsiartortarpugut. Meeqqagut ileqqoq taanna assut mikillutilli nuannarilluagarivaat, ukiullu tamaasa qilanaarisarlugu. Juulliaqqap unnukkuani naneruutit taaku assut avatitsinni kusanaqutaasarput.
Juulli uannut meeqqat juullerimmassuk, pingaartittaqaara meeqqagut juullikkunni immikkut ittumik misigisaqartilaartarnissai, aamma ilaqitariiulluta ataatsimoorluta sammisaqartarnissarput.
Sarap siunnesuutitsialaat tunniukkusutai: