Juulli puigunaatsoq:
Meeraaninni eqqaamasara tassaavoq anaanagigaluamma decemberip 23-anni unnukkut juullerpaluttunik pikigaangami Nunaarsussuup saqqaamiut nipaallugit tusarnaartarnera.
Taamaliortarnera uummatinniitippara, juullillu qaammataani eqqaajuaannarpara.
Meeraanitsinni utoqqartagut utoqqarmiuniittut ningiuusa ittuusakkit kaageeqqanik pajukkaangatsigit kiinaasa nuannaartarnerat puigunngisaannarpara, puigunaatsitamalu aamma ilagaat meeraallita qaammaqqutilerluta silatangiaasarnigut.
Qaammaqutit pappilissanik sanaat takussaajunnaariartornerat uggorisarpara.
Susannip siunnersuutitsialaat tunniukkusutai:
●Inoqatigut kikkuugaluarpataluunniit asassavagut.
●Ikiugassaassinnaasut isiginngitsuusaaginnarnagit ikiortassavagut, ikiuineq nukkissanik aamma tunisisarmat imminullu iluarisimaarnermik misigititsisarluni.
Juullisiorluarisi.