Juullisiorneq puigunaatsoq:
Angajoqqaakka decembarip 23-anni unnukkut pikeqatigalugit, orpik pinnersarlugu, juullerpalaartunik tusarnaarujoorluta illorpullu juullerpalaartoq. Juulliaqqap ullaavani ilaquttagullu ullaakkorsioqatigiittarpugut, ullaakkullu orpik kaavittarlugu. Nuannarinerpaasarpara angajoqqaakka ilaqutarpassuakkalu juullisioqatigigaangakkit.
Juulli immiikkuullarissoq: Ilulissani Nuummilu ulluinnaq angajoqqaakkalu timmisartumi juullisiornikuuvugut. Decembarip 20-anni 2018-imi angaaraga ilaqutaalu ornillugit Danmarkimut juullisioriartussaalluta, sila peqqutaalluni ullut arfineq marluk kinguaattooqqattaaratta.
Aatsaat 27-anni Danmarkimut apuuppugut, tamaani juulli malugerpianngilara, kisianni Nuummi ilaquttagut juullisioqatigivagut nuanneqaaq.
Niviap siunnersuutitsialaat tunniukkusutai:
● Inoqatitit ajunngitsumik pisakkit ajunngitsut aamma ilinnut utertarumaarmata
● Nammineq nuannarisatit toqqakkit
● Qujamasuttarit