Juullisiorneq puigunaatsoq:
Asanninnerup timitai. Ningiorigaluara Malia, Marie Knudsen, assorsuaq ungagaara. Taassumalu asanninnini pissusilersornermigut taamaallaat ersersinnagu, aamma timitalimmik takutittarpaa. Juulleriartorneranilu ileqquisa ilaat asanninnerujussuanik takutitsisuusoq eqqaamasara oqaluttuarilaarusuppara.
Juullip qaammataa aallartikkaangat ullaat tamaasa atinnguatsinni illoqarmat ornittarpara. Qularnanngilaq panini, anaanaga, oqarfigisarsimassavaa ullaakkut ammukartittaqqullunga.
Ullaakkut sila suli taartoq ininnguanut ataasiinnarmik initalimmut isertaraangama qulleq petroleutortoq – Aladdeeq - ikumalereersimasimasarpoq, ininngualu nuannivissumik kialaalereersimasarluni.
Taava naneruut kisitsisitalik naneruuserfimmut puugutaasartalimmut ikkusimasoq nerrivinnguup qaniittoq ornitsittarpaa, sanianiittarpullu innerit puui marluk. Taava innerit aappaat tunniullugit naneruut ikeqqusarpaa – mianersoqqusiuartuugami aasiit mianersoqqusinertalerlugu.
Taava inneq ikereersimasoq innerit puuisa aappaannut ikittarpaa. Oqarfigisarpaangalu innerit aappaat ikiliartortillugit aappaat ikissimasut amerliartussasut, taava juullip qanilliartornera nalussanngikkiga.
Uangalu meeraaqigama ullut ingerlanerinik paasisimasakikkaluartunga taamalillunga juullip qalliartornera timitalimmik qilanaarnartunngortittarpaa. Ila asanninnerup timitaqarluni erseqqissusia meeraalluni pilluarnaq.
Kellyp siunnersuutitsialaat tunniukkusutai:
●Asanninneq oqaasiinaanani timitalik meeraalluni kimitoqaaq, taamaammat asaninnerput nuannersumik timitalertarniartigu.
●Tamassi juullip qanilliartornera qanortoq eqqaamasassanik nuannersunik pissarsivigisarisiuk, eqqaamallugulu: ajunngitsuliorneq tunineqartumut piinnarani tunniussisumut aamma pilluaataasaqaaq.