Juulli puigunaatsoq:
Meeraaninni juullit puujuikkiunnikuusakka utoqqartatsinnut tunnganerupput taakkulu juullisioqatigisarneri. 24-iani ullaakkut aanannguakkunnut qilanaarluta iseriartukaasarpugut, tamattalu ernutarpassuusugut assigiimmik juullerpaluttumik puussiaarannattarnerput qamuuna kissalaarnermik eqqaalersitsisarpoq.
Farfar-kkut Danmarkimiit Ilulissanut juulliliaraangata tunissutissaataat aamma pissanganartaqaat. Ataasiarlunga kusanarnerpaamik aqerluusaasivittaarnikuuvunga sorpassuarnik imalik.
Juulli toqqissisimanartoq, ataatanga orpimmik pinnersaasoq James Last Christmas Dancing appillugu, anaanaga iggavimmi ulapittoq taakkuupput eqqaamanerusakka. Illu torertoq, igalaat aappaluttumik tape-mik pinnersarnikut, aah nuann!
Aanannguara meeraallungali naalagiaqatigisarpara, eqqumiitsuali aana, aatsaat inuusuttunngoreerlunga Danmarkimi atuarlunga Århus Domkirkemi juullilersoq naalagiarluta, ”Guuterput” atuleratsigu soorlu aatsaat tusarlugu, pikkunartumik attortillunga eqqaamaqaara. Immaqa inersimasunngorninnik takussutaasoq.
Tinep siunnersuutitsialaat tunniukkusutai:
●Kalaallit juullisiornermut pikkorinnerpaagunarput, ataatsimuullaqqinneq ilisarnaatigaarput. Attattuartigu.
● Meeqqat jullerivaat. Utoqqartagulli puigornatigit.
● Ris a la mandeliussagaanni, suaasat qaqortut tarajornissanngillat!