Juullisiorneq puigunaatsoq: 14-eriarlunga juullisiortareerpunga 15-innissaannillu juullusiortussanngorlunga. Juullisiortarnikuunikka nuannersunik eqqaamasaqarfigilluarpakka, sulererpiartarnikuunikkali eqqaamarpianngilakka. Meeraanerugallarama juulliaqqami nuannersunik pinnguartarpugut, soorlu angajoqqaama illup iluani aningaasanik toqqortersimasaannik ujarlertarnikuuvugut. Angajoqqaavut aningaasanik pappiaqqanik immikkut toqqorterisarput, nassaaqqaartullu pisarpaat. Aningaasanik nassaaqqaarniuuttarnikuuvugut, assorsuaq nuannertarpoq. Ukiut marlussuit matuma siorna eqqaamavara 200 kr. kingulleq nassaarigakku. Juullerpaluttunik kaageeraliortarnerput aamma nuannertaqaaq.
Johannesip siunnersuutitsialaat tunniukkusutai:
• Meeqqat nuannersunik pinnguaqatiginissaannik isumassarsioritsi. (Internettikkut isumassarsioritsi, nammineq pinnguaatissarsioritsi imaluunniit eqqaasara pinnguaatigisiuk)
• Juullerpaluttulioqatigiigitsi. (Nissiaqqat, siaartartut, pappiaqqamik orpiliat allarpassuarnillu)
• Ilaquttasilu juullisunnitsunik kaagilioritsi pebernøddeliorlusiluunniit nuannisaqatigiillusilu.