Novembarip aallaqqaataani Tusass Narsami, Maniitsumi Sisimiunilu internettimik sukkasuumik nioqquteqalerpoq, internettimi sukkanerpaaq illoqarfinni taaneqartuni nioqqutigineqalersoq 30 Mbit-imiit 80Mbit-imut sukkassuseqalerpoq.
-Nuannaarutigaarput Tusassip internettimik sukkasuumik nioqquteqalernerani kujataani illoqarfitta ilaat nutaaliorfittut illoqarfiit allat marluk peqatigalugit siulliutinneqarluni peqataatinneqarmat, tamannami atuilertussanut malugusunnassaqaaq. Qilanaarpugut Nanortalimmi Qaqortumilu siunissami aggersumi internettip sukkanerusup nioqqutigineqalernissaanut, borgmester Stine nuannaarutiginnilluni qujamasuttoq oqarpoq.
Tusassip pilersaarutai malillugit Nanortalimmi Qaqortumilu internetti sukkanerpaaq aappaagu atorneqarsinnaanngussaaq.