Ataqqinartut aalisartut, piniartut, nuliaasut aapaasullu ullumi ullorsiornissinnik uummammik pisumit pilluaritsi.
Aalisartut piniartullu ullorsiorsiornerat ileqqoq pitsaasoq atuuttoq, soorlu eqqaasitsisuusartoq suliffiup qanoq assigiinngiiaartigisinnaaneranik. Sila atoruminarsillaraangat amerlasuujulluta quttassisarpugut, aammalu ukiorluni nillertillaraangat, anorersuartalerlunilu aamma nersortaqaassi suliffissi imaannaanngissinnaasartoq aalajaallusi aalluttarassiuk.
Qujanartaqaaq ukioq kaajallallugu neqissaqartilluta, aalisagassaqartilluta allanillu mamartortugassaqartittuartaratsigut.
Ulloq manna aamma eqqaasitsisarpoq ilassinnik inuussutissarsiutissinnik suliaqartillutik imaatigut ajunaarsimasunik allatigulluunniit ajutoornikkut peerussimasut, tamaasa qamani uummatitsinni eqqaamavagut.
Tamanik ajunngitsunik peqqinnissassinnillu kissaallusi, qanortoq ulloq nuannersumik atorisiuk.