Eqalugaarsunni, Saarlumi Qassimiunilu nunaqarfimmi sinniisussamik qinersisoqassaaq

Nunaqarfimmi siulersuisunut Eqalugaarsunni, Saarlumi Qassimiunilu naammaqutissamik qinersisoqarnissaa sisamanngornermi novembarip 17-ianni 2022 nal. 09.00-20.00 pisussatut inissinneqarpoq.

12.10 2022
Nunaqarfinni aqutsisunit tunuarniut Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. 27, 28. november 2016-imeersoq § 57, imm. 3 naapertorlugu Qinersinermut siulersuisut ima nalunaaruteqarput


Nunaqarfimmi siulersuisunut Eqalugaarsunni, Saarlumi Qassimiunilu naammaqutissamik qinersisoqarnissaa novembarip 17-anni 2022 nal. 09.00-20.00 pisussatut inissinneqarpoq.

Matumuuna naammaqutissatut qinigassanngortinnissamut oktobarip 27-anni 2022 nal. 12.00 piffissaliunneqarpoq.

Eqalugaarsunni, Saarlumi Qassimiuniluunniit qinigassanngortittut nalunaarutigineqarnerat nunaqarfimmi qinersinermi aqutsisumut tunniunneqassapput.

Allakkatigut qinersinerit Eqalugaarsunni, Saarlumi imaluunniit Qassimiuni kommunip allaffianut imaluunniit Kommune Kujallermi kommunip allaffigisaanut arlaannut tunniunneqarsinnaapput.

Qinersisinnaasut allattorsimaffiannut ilanngunneqarnissamut piumasaqaataapput kommunalbestyrelsimut qinersisinnaatitaanissamut piumasaqaatinik naammassinnissimaneq aammalu qinersinissaq sioqqullugu kingusinnerpaamik ulluni 14-ini nunaqarfimmi aalajangersimasumik najugaqarsimanissaq.

Kingusinnerpaamik qinersinerup ulluani 18-inik ukioqalereersimassaaq, kiisalu aamma qinersisup aqqa qinersivimmi aqqit allassimaffiisa akornanniissalluni.


Qinersisussat allassimaffiisa saqqumitinneqarnissaat
Eqalugaarsunni, Saarlumi kiisalu Qassimiuni qinersisussat allassimaffii oktobarip 18-ianniit 20-ata tungaanut Eqalugaarsunni, Saarlumi Qassimiunilu kommunip allaffiini saqqummiunneqassapput.

Qinigassat akornanni arlaannik ilanngunneqarsimanngippat imaluunniit peqquteqanngitsumik peerneqarsimappat qinigassanngortittut allattorsimaffii pillugit qinersinermut siulersuisunut naatsumik tunngavilersuinertalimmik nassiussisoqarsinnaavoq.

Naammagittaalliuut qinersinermik siulersuisunut tunniunneqassaaq qinersisussat allassimaffiata saqqumitinneqarfissaata naanerata kingorna kingusinnerpaamik ulluinnaat marluk qaangiutsinnagit.

Qinersititsinermi aqutsisut Qinersinermi siulersuisuinit toqqarneqartut:
Ulla Rafaelsen, Narsaq

Ini taasisitsivissaq
Eqalugaarsunni nunaqarfiup allaffiani B-1300, 3920 Qaqortoq
Saarlumi nunaqarfiup allaffiani B-983, 3920, Qaqortoq
Qassimiuni nunaqarfiup allaffiani B-1298 3920, Qaqortoq

Kommune Kujallermi Qinersinermi siulersuisut
12.10.2022