4. klassimiit 7. klassimut atuartut Tasersuup Atuarfianiit illoqarfiup qeqqatigoorlutik kommunip allaffianut ingerlaaqqatigiipput, kommunillu silataanut pigamik suliatik borgmesterimut apuupaat.
- Meerannguit allagartanik suliaminnik nassataqarlutik atuarfimmiit kommuunip allaffianut ingerlaaqatigiipput, taakku oqariartuutai paatsuugassaanngillat uaguuvugulli inersimasut tusaasussat, Kommune Kujallermi borgmesteri Stine Egede oqarpoq.
Atuartut akulliit oqariartuutaasa ilai makkuupput; Cigarittip kimmivikui maanngannaq igittarnagit.
Puusiat atoqqittarsigit, plastikkiunngittunilluunniit atuisarisi.
Qummoroortartukut katersoqqittarsigit. Maangaanaq eqqaanasi.
Biilerpallaarnasi pisukkitsi, sikkilerlusiluunniit.
Qulliit assigisaalu atunngisatit qamittakkit. Olie gas assigisaalu sipaartakkit.
Nerisassanik eqqaanaveersaaritsi.
Atoqqiisarneq eqqarsaatigalugu, atornikuerniarfittaarta.
CO²mik aniatitsineq annikillisartigu. Orpinnik amerlanernik ikkussueqqitta.
Nunarsuaq inuuffipput ataasiinnaammat paarilluaqquvaat.
Atuartut silaanaap pissusiata allanngoriartornera pillugu sammisatik borgmesterimut apuupaat
Qaqortumi Tasersuup Atuarfiani atuartut akulliit sapaatip akunnerani 39-imi silap pissusiata allanngoriartornera pillugu immikkut sammivaat, tallimanngornermilu Kommune Kujallermi borgmesterimut suliarisimasaminnik apuussipput.
Udgivet d. 03. oktober 2022