Kommune Kujallermi juunip aallaqqaataani Qaqortumi Majoriami ingerlatsivimmi pisortanngortup Karoline Lundip pappiliarsorneq annikinnerpaaffianiitilernissaa sulissutigaa.
- Ataatsimiinerni ulluinnarnilu sulinerni pappiliarsornerujussuaq annikinnerpaaffianiitilerparput, taamaammat illup iluani atortorissaarutit pigeriikkavut atorluarlugit soorlu skærmit assigissaallu assut atorlualerpavut, Majoriami ingerlatsivimmi pisortaq Karoline Lund oqarpoq.
Ulluinnarni Majoriami inuit saaffiginnittut aammalu sulianut tunngasunut pappiliarsuutit siornatigut annertusinnaasarput, taamaalilluni pappilissanut sequtserivik mappillu atorneqangaatiarlutik.
- Pappilissanik sequtserinerujussuaq annikillivoq, mappit inissamik atuisut ikinnerpaaffimmiissapput taamaasillunilu mappit “plastikkit” atornissai tikisinnissaallu aamma minnerulissapput, nunarsuarmik piujuaannartitsinissamut suliniummut taamaasilluta aamma peqataalluta. Soorunami suliatsinni pisariaqavissunut pappiliarsortussaassatilluta pappilissat atortarpagut, aamma sulinerput taamaaginnassaaq tassa atuisutta sullinnerat allanngornavianngilaq. Pappilissanik annikillisaaneq suliffeqarfinnut allanut aamma innersuukkusunnaqaaq, Karoline Lund oqarpoq.